Uğurlu sosial mediya marketinq strategiyası yaratmağa keçməzdən əvvəl ənənəvi marketinq, rəqəmsal marketinq və social mediya marketinq strategiyası mövzularına aydınlıq gətirmək lazımdır. Daha sonra şirkətiniz üçün 30 gündə uğurlu SMM strategiyası necə hazırlanır mövzusuna nəzər sala bilərsiniz.
Ənənəvi Marketinqdən Rəqəmsal Marketinqə Keçid
Ənənəvi marketinq hədəf auditoriyanın ehtiyac və istəklərinin ənənəvi mediya kanalları (radio, televiziya, qəzet, jurnal, broşura və s.) təmin edilməsidir. Ənnənəvi marketinq strategiyası isə ümumiyyətlə bir şirkətin rəqiblərinə nisbətən necə mövqe tutacağını göstərən bir plandır. Buraya bazar araşdırması, rəqiblərin təhlili və məhsulun yaradılması daxildir.
Ənənəvi marketinq strategiyası marketinqin ən vacib aspektlərindən biridir və hər bir müəssisədə olmalıdır. Bu, bizneslərə məqsədlərinə çatmaq yolunda uğur qazandıqlarına əmin olmaq üçün güclü tərəflərinin nə olduğuna və nəyə diqqət etməli olduqlarına qərar verməyə kömək edir.
Son 30 ildə rəqabət şərtlərinin sərtləşməsi və texnoloji imkanların inkişafı ilə ənənəvi marketinqin yerini rəqəmsal marketinq tutub. Rəqəmsal marketinq adından da göründüyü kimi rəqəmsal kanallardan istifadəyə əsaslanır. Rəqəmsal marketinq strategiyası da şirkətlərin marketinq siyasətinin rəqəmsal texnoloji vasitəsilə həyata keçirilməsinə deyilir.
Rəqəmsal marketinq strategiyası şirkətlərin məqsədlərinə çatması üçün hansı onlayn marketinq kanallarından istifadə edəcəyini müəyyənləşdirən bir çərçivədir. Bu marketinq növü brend və ya məhsulu/xidməti tanıtmaq üçün müxtəlif rəqəmsal kanaldan istifadə edir. Bura vebsayt, axtarış sistemləri, mobil cihazlar, e-poçt, blog yazıları, social mediya platformaları və s. daxildir.
Rəqəmsal marketinq strategiyası social mediya marketinq (SMM) strategiyası ilə tez-tez qarışdırılır. Hər iki anlayış müasir texnologiyalar vasitəsilə həyata keçirilsə də, aralarındakı fərqə aydınlıq gətirmək üçün sosial mediya marketinq strategiyası mövzusunu daha ətraflı ələ almaq lazımdır.
Sosial Mediya Marketinq Strategiyası Nədir?
Sosial mediya marketinq strategiyası, mövcud müştərilərlə səmimi münasibət qurmaq, potensial müştəriləri cəlb etmək və brend şüurunu artırmaq üçün sosial mediya platformalarından istifadə prosesinin planlaşdırılmasıdır. Yəni SMM rəqəmsal marketinqin bir növü və ya sosial şəbəkələr vasitəsilə həyata keçirilən bir hissəsidir.
Sosial mediya marketinqi ödənişli reklamlar və ya Facebook, Instagram və Twitter kimi sosial şəbəkə platformaları vasitəsilə həyata keçirilə bilər. Bloq, podcast və ya YouTube kanalı yaradaraq onu biznes modelinə də çevirmək olar.
SMM təkcə Instagram və ya Facebook-da bəyənmələr və izləyicilər əldə etməkdən ibarət deyil. Söhbət auditoriyanızı cəlb edən və platforma vasitəsilə onlarla daha davamlı münasibət quran faydalı məzmun yaratmaqdan gedir.
Biznesiniz Üçün Hansı SMM Strategiyası Uyğundur?
Sosial mediya bir çox müəssisənin hədəf auditoriyasına çatmaq üçün istifadə etdiyi güclü bir vasitədir. “Biznesiniz üçün hansı sosial mediya marketinq strategiyası uyğundur?” sualına cavab vermək sizin üçün çətin ola bilər. Bunun üçün ilk növbədə biznes ehtiyaclarınızı və məqsədlərinizi müəyyən etmək lazımdır. Ondan sonra bu ehtiyac və məqsədlərə ən uyğun olan sosial mediya marketinq strategiyasını seçməlisiniz.
Sosial mediya marketinq strategiyasının üç əsas növü var:
1) Brendin təşviqi. Bu strategiya növü brendinizi təbliğ edən və onun orqanik şəkildə böyüməsinə kömək edən məzmun yaratmağa yönəlib.
2) Müştərilərin cəlb edilməsi: Bu növ strategiya məzmun, promosyonlar və ya reklam vasitəsilə yeni müştərilərin əldə edilməsinə yönəlib.
3) Məzmunun Yaradılması: Bu növ strategiya potensial müştəriləri cəlb etmək və izləyicilərlə əlaqələr qurmaq üçün məzmunun yaradılmasını əsas alır.
30 Gündə SMM Strategiyası Necə Hazırlanır?
Sosial mediya marketinq və brend yaratmaq üçün güclü vasitədir. O, həmçinin şirkətinizlə başqa yollarla əlaqə saxlaya bilməyən insanlarla əlaqə saxlamaq gücünə də malikdir.
Sosial mediya marketinq strategiyası biznes ehtiyaclarınızı və məqsədlərinizi nəzərə alaraq planlaşdırılmalı və tərtib edilməlidir. Strategiyanıza uyğun olaraq vaxt qrafiki təyin etməli, necə irəlilədiyinizi və bu yolda hansı dəyişikliklərə ehtiyac olduğunu izləməlisiniz.
Şirkətlər potensial müştərilərə çatmaq üçün sosial mediyadan istifadə edə bilər, lakin məzmunun hədəf auditoriyasına təsirini də nəzərə almalıdır. Məsələn, bəzi şirkətlər bir hadisəni və ya məhsulun təqdimatını təşviq etmək istəyə bilər, lakin sosial mediyada paylaşdığı məzmuna diqqət yetirməzsə, izləyicilərii uzaqlaşdırmış olar.
Sosial Mediya Kanallarımda Hansı Tezlikdə Paylaşım Etməliyəm?
Sosial mediya izləyiciləriniz və müştərilərinizlə əlaqə saxlamağın əla yoludur, lakin onun mənfi cəhətləri də var. Sosial mediya platformalarında müvafiq məzmunu ardıcıl olaraq dərc etmək üçün vaxt və enerji tapmaq çətin ola bilər.
Uğurlu sosial mediya marketinq strategiyası yaratmağın yolu daha nadir, lakin daha düşünülmüş və faydalı paylaşım etməkdir. Siz həmçinin daha az, lakin günün müxtəlif vaxtlarında mesajlarınızı dərc etməyə cəhd edə bilərsiniz. Beləliklə, hədəf auditoriyanızın nə vaxt fəal olduğunu müəyyənləşdirirsiniz.
Əsas odur ki, brendiniz üçün ən uyğun olanı tapasınız!
Sosial Mediya Kanallarımda Gün Ərzində Neçə Mesaj Paylaşmalıyam?
SMM menecerlərinin sosial mediya marketinq strategiyası ilə bağlı verdiyi suallardan biri -“ gün ərzində necə mesaj paylaşılmalıyam?”sualıdır . Bu sualın cavabı istifadə etdiyiniz sosial mediya platformasının növündən asılıdır. Məsələn, Instagram-dan istifadə edirsinizsə, gündə ən azı 3 postunuz olmalıdır. Əgər Facebook-da paylaşım edirsinizsə, ən yaxşısı gündə 5 yazının olmasıdır.
Uğurlu SMM Kampaniyası Üçün Hansı Addımlar Atılmalıdır?
Uğurlu bir SMM kampaniyası üçün addımlar bunlardır:
- Hədəf auditoriyanızı tanıyın;
- Bir sosial mediya marketinq strategiyası müəyyənləşdirin;
- Fəaliyyət sahənizdəki nüfuzlu şəxsləri (influencers) müəyyənləşdirin və hədəf alın;
- Hədəf auditoriyanıza uyğun məzmun yaradın, dərc edin və ona verilən reaksiyanı izləyin;
- Performansı ölçün və lazım gələrsə ölçmə əməliyyatını təkrarlayın.
Uğurlu Bir SMM Kampaniyası Nə Qədər Vaxt Lazımdlr?
Uğurlu sosial mediya marketinq kampaniyası yaratmaq üçün tələb olunan vaxt kampaniyanın növündən və şirkətin məqsədlərindən asılı olaraq dəyişir.
Uğurlu bir SMM kampaniyası yaratmaq üçün nə qədər vaxt lazım olacağını müəyyən edən ən vacib amillərdən biri şirkətinizin izləyicilərinin sayıdır. Çox sayda izləyiciniz varsa, uğurlu bir SMM kampaniyası yaratmaq üçün daha az vaxt lazım ola bilər.
Uğurlu SMM Kampaniyası Üçün Ən Yaxşı Tətbiqlər
Uğurlu sosial mediya marketinq kampaniyası yaratmağın bir neçə yolu var. Populyar tətbiqlərdən bəziləri bunlardır:
– Hədəf auditoriyanıza uyğun və emosional baxımdan cəlbedici məzmun yaradın.
– Sosial mediyadan hədəf auditoriyanızla qarşılıqlı əlaqə qurmaq üçün istifadə edin.
– Postunuzun və ya videonuzun sonunda güclü hərəkətə çağırışınız (Call to Action) olduğundan əmin olun.
Solvemark SMM Strategiyası Hazırlamaya Necə Kömək Edir?
Solvemark SMM Xidməti ilə istifadəçilərə dəqiq məlumat və tövsiyələr verməklə sosial mediya marketinq strategiyası hazırlamağa kömək edir. Peşəkar mütəxəssislərimiz bizneslərə sosial mediya marketinq kampaniyaları ilə ROI-ni artırmağa dəstək olurlar.
Solvemark doğru sosial mediya marketinq strategiyası ilə ROI-ni artırmaq istəyən müəssisələr üçün bir sıra alətlər təqdim edir. Şirkətimiz məzmunun yaradılması, təhlili və optimallaşdırılmasına kömək edən alətlərə sahibdir. Solvemark həmçinin xidməti satın almağa qərar verməzdən əvvəl sizə bunun nə ilə bağlı olduğu barədə fikir vermək üçün pulsuz sınaq (demo) versiyasını təqdim edir.
Solvemark sosial mediya kanallarında müştərilərlə qarşılıqlı əlaqəni artırmaq istəyən şirkətlər üçün bunu necə edə biləcəklərinə dair fikir və təkliflər verir. Şirkətimiz potensial müştəriləri cəlb etməyə, məzmun yaratmağa, kampaniyaların uğurunu ölçməyə və marketinq proseslərini avtomatlaşdırmağa kömək edir.
Qeyd: Rəqəmsal marketinqin digər sahələriylə də maraqlanırsınızsa, müvafiq bloq yazılarımızı (SEO Nədir?, SEO ilə SEM Arasındakı Fərq Nədir?, Brend Yaratmağın 10 Faydası) oxuya bilərsiniz.
Bu bloq yazısı üçün Həmtəsisçimiz Azər Şirinova təşəkkür edirik.
Mənbə:
https://blog.hubspot.com/marketing/social-media-marketing
https://blog.hootsuite.com/how-to-create-a-social-media-marketing-plan
